ᠪᠣᠯᠪᠠᠰᠤᠷᠠᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠠᠶᠢᠳ ᠢᠨᠨᠣᠸᠠᠼ ᠤᠨ ᠲᠡᠳᠬᠦᠯᠭᠡ ᠬᠦᠷᠲᠡᠭᠰᠡᠨ ᠳ᠋ᠣᠺᠲ᠋ᠣᠷ ᠤᠳ ᠲᠤ ᠨᠡᠷᠡᠮᠵᠢᠲᠦ ᠱᠠᠩᠨᠠᠯ ᠢᠶᠠᠨ ᠭᠠᠷᠳᠠᠭᠤᠯᠤᠨ ᠥᠭᠭᠦᠯᠡ᠃ 2011 ᠣᠨ ᠠᠴᠠ ᠡᠬᠢᠯᠡᠨ ᠦᠶᠡ ᠦᠶᠡ ᠶᠢᠨ ᠰᠠᠶᠢᠳ ᠤᠳ ᠰᠢᠨᠡᠯᠢᠭ᠂ ᠪᠦᠲᠦᠭᠡᠯᠴᠢ ᠰᠠᠨᠠᠭᠠ ᠳᠡᠪᠰᠢᠭᠦᠯᠦᠭᠰᠡᠨ ᠵᠠᠯᠠᠭᠤ ᠰᠤᠳᠤᠯᠤᠭᠠᠴᠢ᠂ ᠳ᠋ᠣᠺᠲ᠋ᠣᠷ ᠤᠳ ᠢ ᠰᠢᠯᠭᠠᠷᠠᠭᠤᠯᠤᠨ ᠲᠡᠳᠬᠦᠯᠭᠡ ᠭᠠᠷᠳᠠᠭᠤᠯᠵᠤ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠥᠨᠥᠳᠥᠷ ᠢ ᠬᠦᠷᠲᠡᠯᠡ ᠨᠡᠶᠢᠲᠡ 126 ᠰᠤᠳᠤᠯᠤᠭᠠᠴᠢ ᠡᠨᠡᠬᠦ ᠲᠡᠳᠬᠦᠯᠭᠡ ᠶᠢ ᠬᠦᠷᠲᠡᠭᠡᠳ ᠪᠠᠶᠢᠭᠠ ᠶᠤᠮ᠃ ᠡᠨᠡ ᠣᠨ ᠤ ᠬᠤᠪᠢ ᠳᠤ ᠲᠡᠳᠬᠦᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠦᠷᠢᠶᠡᠯᠡᠩ᠂ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠬᠤᠪᠢ ᠶᠢᠨ ᠬᠡᠪᠰᠢᠯ ᠦᠨ ᠪᠠᠶᠢᠭᠤᠯᠤᠯᠭᠠ ᠠᠴᠠ ᠨᠡᠶᠢᠲᠡ 52 ᠰᠤᠳᠤᠯᠤᠭᠠᠴᠢ ᠲᠥᠰᠥᠯ ᠢᠶᠡᠨ ᠳᠡᠪᠰᠢᠭᠦᠯᠵᠡᠢ᠃ ᠡᠭᠦᠨ ᠡᠴᠡ 10 ᠵᠠᠯᠠᠭᠤ ᠰᠤᠳᠤᠯᠤᠭᠠᠴᠢ ᠶᠢᠨ ᠲᠥᠰᠥᠯ ᠰᠢᠯᠭᠠᠷᠠᠵᠤ᠂ ᠡᠶᠢᠨᠬᠦᠦ ᠥᠨᠥᠳᠥᠷ ᠲᠡᠳᠬᠦᠯᠭᠡ ᠪᠡᠨ ᠭᠠᠷᠳᠠᠨ ᠠᠪᠤᠯᠠ᠃ ᠡᠳᠡᠭᠡᠷ 10 ᠳ᠋ᠣᠺᠲ᠋ᠣᠷ ᠲᠤᠰ ᠪᠦᠷᠢ ᠳᠦ 10 ᠰᠠᠶᠠ ᠲᠥᠭᠥᠷᠢᠭ ᠦᠨ ᠲᠡᠳᠬᠦᠯᠭᠡ ᠣᠯᠭᠤᠵᠤ᠂ 《ᠪᠠᠲᠤᠯᠠᠮᠵᠢ》 ᠢ ᠭᠠᠷᠳᠠᠭᠤᠯᠪᠠ᠃
ᠢᠨᠨᠣᠸᠠᠼ ᠤᠨ ᠲᠡᠳᠬᠦᠯᠭᠡ ᠬᠦᠷᠲᠡᠭᠰᠡᠨ ᠳ᠋ᠣᠺᠲ᠋ᠣᠷ ᠤᠳ᠄
ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠮᠠᠯ ᠡᠮᠨᠡᠯᠭᠡ ᠶᠢᠨ ᠬᠦᠷᠢᠶᠡᠯᠡᠩ᠂ ᠪᠤᠮᠳᠦ᠋ᠭᠦᠷᠡᠩ ᠲᠦᠪᠰᠢᠨᠲᠤᠯᠭᠠ 《ᠴᠢᠰᠤᠨ ᠤ ᠤᠯᠠᠭᠠᠨ ᠡᠰ ᠲᠦ ᠰᠢᠮᠡᠭᠴᠢᠯᠡᠭᠴᠢ babesia microti ᠤᠨ ᠯᠠᠪᠤᠷᠠᠲ᠋ᠣᠷᠢ ᠶᠢᠨ ᠣᠮᠤᠭ ᠢᠯᠭᠠᠨ ᠲᠣᠳᠣᠷᠬᠠᠶᠢᠯᠠᠵᠤ᠂ ᠣᠨᠣᠰᠢᠯᠠᠭᠤᠷ ᠤᠨ ᠡᠰᠡᠷᠭᠦ ᠲᠥ᠋ᠷᠥᠭᠴᠢᠳ ᠠᠰᠢᠭᠯᠠᠬᠤ ᠨᠢ》
ᠠᠨᠠᠭᠠᠬᠤ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠦ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠰᠤᠷᠭᠠᠭᠤᠯᠢ ᠡᠮᠨᠡᠯ ᠵᠦᠢ ᠶᠢᠨ ᠯᠠᠪᠤᠷᠠᠲ᠋ᠣᠷᠢ ᠶᠢᠨ ᠲᠡᠩᠬᠢᠮ᠂ ᠫᠦᠷᠪᠦᠳᠣᠷᠵᠢ ᠨᠠᠷᠠᠨᠭᠡᠷᠡᠯ《ᠮᠡᠳᠡᠭᠡᠭᠦᠶᠢᠵᠢᠭᠦᠯᠭᠡ ᠶᠢᠨ ᠳᠠᠷᠠᠭᠠᠬᠢ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠪᠠᠭᠤᠷᠠᠯᠲᠠ ᠶᠢᠨ ᠣᠨᠣᠰᠢᠯᠠᠭᠠᠨ ᠳᠤ ᠴᠢᠰᠤᠨ ᠤ ᠰᠡᠶᠢᠪᠦᠩ ᠦᠨ aβ42 ᠪᠣᠯᠤᠨ p-tau ᠪᠢᠣᠮᠠᠷᠻᠧᠷ ᠤᠳ ᠢ ᠠᠰᠢᠭᠯᠠᠬᠤ ᠨᠢ》
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠬᠢᠮᠢ᠂ ᠬᠢᠮᠢ ᠶᠢᠨ ᠲᠧᠭᠨᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ᠂ ᠠᠯᠧᠻᠰᠠᠨ᠋ᠳᠠᠷ ᠠᠷᠢᠭᠤᠨᠠ 《ᠬᠠᠶᠠᠭᠳᠠᠯ ᠤᠰᠤᠨ ᠳᠤ ᠠᠭᠤᠯᠤᠭᠳᠠᠬᠤ ᠬᠣᠣᠷ ᠲᠠᠢ ᠬᠦᠨᠳᠦ ᠮᠧᠲ᠋ᠠᠯ ᠤᠨ ᠪᠣᠬᠢᠷᠳᠠᠯ ᠢ ᠴᠡᠪᠡᠷᠯᠡᠬᠦ ᠲᠧᠭᠨᠣᠯᠣᠭᠢ》
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠭᠠᠵᠠᠷ ᠵᠦᠢ ᠭᠧᠣ᠋ ᠡᠻᠣᠯᠣᠭᠢ ᠢᠢᠨ ᠬᠦᠷᠢᠶᠡᠯᠡᠩ᠂ ᠡᠷᠳᠡᠨᠢᠭᠡᠷᠡᠯ ᠠᠷᠢᠭᠤᠨᠪᠣᠯᠤᠳ 《ᠴᠥᠯ ᠦᠨ ᠬᠡᠭᠡᠷᠡ ᠶᠢᠨ ᠪᠦᠰᠡ ᠶᠢᠨ ᠳᠣᠷᠣᠶᠢᠲᠠᠭᠰᠠᠨ ᠭᠠᠵᠠᠷ ᠲᠤ ᠵᠣᠩᠬᠢᠯᠠᠨ ᠲᠠᠷᠬᠠᠬᠤ ᠵᠠᠷᠢᠮ ᠰᠥᠭᠡᠭ᠂ ᠰᠥᠭᠡᠭᠦᠨᠴᠢᠷ᠂ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠤᠨ ᠡᠻᠣᠯᠣᠭᠢ ᠪᠢᠣᠯᠣᠭᠢ ᠶᠢᠨ ᠣᠨᠴᠠᠯᠢᠭ᠂ ᠲᠡᠳᠡᠭᠡᠷ ᠢ ᠨᠥᠬᠦᠨ ᠰᠡᠷᠭᠦᠭᠡᠯᠲᠡ ᠳᠦ ᠠᠰᠢᠭᠯᠠᠬᠤ ᠪᠣᠯᠤᠮᠵᠢ》
ᠠᠨᠠᠭᠠᠬᠤ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠦ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠡᠮ ᠵᠦᠢ ᠶᠢᠨ ᠰᠤᠷᠭᠠᠭᠤᠯᠢ᠂ ᠳᠠᠷᠮᠠᠵᠠᠪ ᠣᠳᠬᠣᠨᠰᠦ᠋ᠷᠦᠩ 《ᠮᠥᠩᠭᠦᠵᠢᠭᠦᠯᠦᠭᠰᠡᠨ ᠨᠠᠨᠤ᠋ ᠪᠥᠭᠡᠮ ᠠᠭᠤᠯᠠᠭᠰᠠᠨ ᠫᠯᠠᠰᠲ᠋ᠢᠷ ᠡᠮ ᠦᠨ ᠬᠡᠯᠪᠡᠷᠢ ᠭᠠᠷᠭᠠᠨ ᠠᠪᠬᠤ ᠲᠧᠭᠨᠣᠯᠣᠭᠢ ᠶᠢᠨ ᠰᠤᠳᠤᠯᠭᠠ》
-《ᠸᠢᠲ᠋ᠠᠹᠢᠲ᠋ ᠮᠢᠯᠻ》ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠤᠪᠢᠴᠠᠭᠠᠲᠤ ᠺᠣᠮᠫᠠᠨᠢ᠂ ᠬᠠᠩᠳᠤᠰᠦ᠋ᠷᠦᠩ ᠣᠶᠤᠨ ᠡᠷᠳᠡᠨᠢ 《lactobacillus casei zhang》 ᠠᠰᠢᠭᠲᠠᠢ ᠪᠠᠻᠲ᠋ᠧᠷᠢ ᠠᠭᠤᠯᠠᠭᠰᠠᠨ ᠫᠷᠣᠪᠢᠣᠲ᠋ᠢᠻ ᠳ᠋ᠷᠢᠨ᠋ᠻ ᠦᠢᠯᠡᠳᠪᠦᠷᠢᠯᠡᠬᠦ ᠢᠨᠨᠣᠸᠠᠼ ᠤᠨ ᠰᠤᠳᠤᠯᠭᠠ》
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠢᠢᠨ ᠪᠢᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ᠂ ᠳᠠᠮᠪᠠ ᠢᠳᠡᠷᠪᠠᠲᠤ 《ᠰᠠᠨᠰᠠᠷ ᠤᠨ ᠳᠠᠮᠵᠢᠭᠤᠯᠤᠭᠴᠢ ᠶᠢᠨ ᠦᠷᠡ ᠳ᠋ᠦᠩ ᠢ ᠠᠰᠢᠭᠯᠠᠨ ᠰᠢᠪᠠᠭᠤᠨ ᠤ ᠲᠣᠮᠣᠭᠣ ᠶᠢ ᠲᠠᠩᠳᠠᠬᠤ ᠪᠣᠯᠤᠮᠵᠢ》
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠣᠯᠣᠭᠢ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠬᠡᠷᠡᠭᠯᠡᠭᠡᠨ ᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠷᠭᠠᠭᠤᠯᠢ᠂ ᠡᠷᠳᠡᠨᠢᠴᠣᠭ ᠲᠤ ᠡᠷᠳᠡᠨᠢᠴᠤᠭᠲᠤ ᠪᠠᠲᠤ ᠡᠷᠳᠡᠨᠢ 《ᠪᠠᠶᠢᠭᠠᠯᠢ ᠢᠢᠨ ᠪᠢᠲ᠋ᠤᠮ ᠢ ᠵᠠᠮ ᠳᠤ ᠠᠰᠢᠭᠯᠠᠬᠤ ᠪᠣᠯᠤᠮᠵᠢ》
ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠦᠷᠢᠶᠡᠯᠡᠩ᠂ ᠮᠢᠭᠮᠠᠷᠵᠠᠪ ᠤᠤᠭᠠᠨᠵᠠᠶᠠᠭ ᠠ 《ᠭᠧᠨ ᠤᠨ ᠢᠨ᠋ᠵᠧᠨᠧᠷᠴᠢᠯᠡᠯ ᠦᠨ ᠠᠷᠭᠠ ᠪᠠᠷ ᠰᠠᠶᠢᠵᠢᠷᠠᠭᠤᠯᠤᠭᠰᠠᠨ ᠴᠠᠷᠭᠤᠰᠤᠨ ᠤ Т1 ᠤᠳᠤᠮ ᠤᠨ ᠹᠧᠨᠣᠲ᠋ᠢᠫ᠂ ᠰᠢᠮᠡᠲᠦ ᠴᠢᠨᠠᠷ᠂ ᠵᠠᠷᠢᠮ ᠦᠵᠡᠭᠦᠯᠦᠯᠲᠡ ᠶᠢᠨ ᠰᠤᠳᠤᠯᠭᠠ》
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠲᠠᠷᠢᠬᠢ᠂ ᠰᠡᠳᠬᠢᠯ ᠰᠤᠳᠤᠯᠤᠯ ᠤᠨ ᠬᠦᠷᠢᠶᠡᠯᠡᠩ᠂ ᠪᠤᠮᠠᠨᠳᠣᠷᠵᠢ ᠪᠤᠯᠠᠭᠠᠨᠲᠤᠶᠠᠭᠠ 《ᠠᠷᠢᠬᠢᠨ ᠠᠴᠠ ᠡᠭᠦᠳᠦᠯᠲᠡᠢ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠪᠠᠭᠤᠷᠠᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠡᠯᠡᠳᠦᠮᠡᠯ ᠭᠠᠷᠭᠠᠨ ᠠᠪᠬᠤ ᠢᠨᠨᠣᠸᠠᠼ ᠤᠨ ᠲᠥᠰᠦᠯ》 ᠲᠤᠰ ᠲᠤᠰ ᠰᠢᠯᠭᠠᠷᠠᠵᠠᠢ᠃